Un broden per la Giovana

Iera in cà da me che me scaldeva

Con discresion senta picer la porta

Vag a veder subitt chi mai pol esser

A ghe Tognet con una facia smorta

Bon gioren al’me Tognet – ii fat ben gnirem a cater

Gni denter ca fa fred

Gni chi a taca al camen

Che fema quater ciacer

Ghe’bema un bicer e ven

Metem su un tronc ed legna

Cal fa na bela fiama

E v’ved acsè depres

Cme g’vala a la Giovana

Le la ga mel des’china

La testa e anc la pansa

Al dotor la parle cer

lè l’ete che sopravansa

e me che son gnu vec

li so cme sfa a curerla

leger con dla sostanza

dal bon brod ed galena

e affet in abbondanza

go ditt con na me nora

cla breva cla più sovna

vag so ciap na galena

ed vedre se me go tort

la farà un brod na <crema>

che fa torner i mort

a min dispies al me nonon

emposs mia fergh al brod bon

me piutost che pulir na galena

e vag in streda e bat al tac fina matena

inco al mond lè gnu moderen

e magnem sol dal bistechi

piutost che polir capon e polaster

magnem tanti scatoleti

ed rinchels a dis me fiola

sem moderen li set papà

en sem mia come chi ed na volta

che vendiven i galett per comprer al bacalà

con la scusa chien moderen

guerden la television

compren tutt la cretinedi

cag fa veder Berluscon

I’en ed mei i me polaster

Pit e nader che ghnò tant

Ve saghè insima al so scatli

Aromi colorant aditiv e conservant

Tornaran chi temp lontan

Forse forse eghsema sven

ma a la Giovana egh porten un brod

che l’an fat con un daden

e Tognett clera gnu ross

al nervos ghera pase

vist che al fiasc lera gnu vod

tutt da lu as lera scole.

Cesare Carlini - Cerezzola, Agosto 1994 -